Goldmarie und Pechmarie

...

Occidental-Interlingue

1 Un vez esset un motivator-trainerin, qui hat du filias, queles du nominat se Marie.

2 Li un esset diligent, li altri pigri. Un die venit li diligente a un fontane, sur quel stet: „Ne drinkabil aqua!“

3 To sta solmen pro juridic rationes, pensat li sitient.

4 Li puella drinket del aqua e casset accidentalmen in li fontane, pos quel perdet su conscientie.

5 Alquande tempore postea, illa revenit a se in un loc totalmen incognit por illa.

6 Al fenestre de un dom necessitant renovation stet un old femin e scutlet su cap-cussin.

7 Frau Holle, tal nominat se li locatar, dit al puella:

8 „Competent senior-curatoras quam tu es hodie rar, che me il ha mult labor.“

9 E proque li diligente esset tam laborios, illa facit li dom-labor por Frau Holle.

10 Pos alcun témpor, li puella tamen sentit homesick e expresset li desir retornar a su dom.

11 Frau Holle concedet li ti desir. Li old femin ductet li puella a un port, tra quel illa deveret vader.

12 Quande li diligente passat tra li port, pluvet super illa de supra dioxin-contaminat pece, quel ne plu departet se de su pelle.

13 Li puella dit: ‘‘Fucking bullshit! Yo va me vindicar amarment sur li fat.

14 Yo studia mathematica e doctora me super paradoxie-theories.’’

15 Quande li matre videt su filia talmen pece-sordidat, illa nominat su infante Pechmarie.

16 Pro rationes de social equilibre, li matre nun etiam inviat su pigri filia al fontane. Li sam evenit a illa.

17 Solmen venit su secund filia ne a Frau Holle’s dom, ma a un altri dom, in quel habitat un cert Frau Hölle.

18 Pos dece minutas de labor, li labor-disciplin del pigri puella diminuet mult.

19 Frau Hölle dit: „In tui etá yo anc esset mult pigri. Yo ne have nequande un basic-scolar diploma.

20 Nu nos va nos inebriar con un nobil vin, quel hat mi gener-filie self furat.

21 Fortunatmen li tot cellar es plen de it.“ 22 Pos un hebdomadal bever-fest, anc li pigri sentit homesick e desirat esser lassat ir a dom.

23 Frau Hölle ductet illa a li sam port, tra quel anc Pechmarie hat passat.

24 Quande li pigri puella passat tra li port, pluvet aur super illa.

25 Nu li puella esset mult plu valorosi, nam anc li aur ne departet se de illa.

26 Arrivat a dom, illa esset nominat Goldmarie per li matre.

27 Pro mult ira sur li injustitie del vive, li matre exiet de li ecclesie e vadet a un secular judicie.

28 Pechmarie devenit plu tard li prim professor de logica con dioxin-cicatrices in li face. Su vive esset completmen ruinat.

29 Goldmarie tamen vivet felic e content til su fin de vive.